أحـــمـــد الصــانــــع ..

[ريونة]

http://www.shathaaya.com/go/dir/22/9900-hhh9.jpg

شــــاعر تنفس الابداع بسلاسه نكهته مصدرها .. الاحساس بعفويه
يرسم مشاعري ومشاعرك ويتحدث بلغه لايفهمها سوى المتلاطفين مع الحس
يهذب فورة الشعور وينسقها لنلتقطها ..ونستمتع
سيــكون متصفحي هذا لــ ( أحمد الصانع ) فقط سانقل ماسكبه لنستمتع سويا
لاكن ..
التمس منكم التواجد للسلطنه و التـــــأمل فساضع هنا مايلامسني وهناك مجال للتعليق عن مايتحدث عنكم !!

http://graphicz.jeeran.com/Maire.jpg

عــالم الجمـرهــ ــ ــ

شلتكْ منْ وسط نارْ الهمـوم وعالـم الجمـرهـ
وسقيتك من غلاي ومـا نفَـعْ طيبـي وتقديـري
مثل زهره قطفْها الوقت وقلبـي شالَهـا حسـره
لأني شفْتَهـا تَحْتـي وأخـافْ يدوسهـا غيـري
رسمتك لينْ ما شفتك مثل صـوره بـلا فكـرهـ
ألوّنهـا ولا يبيّـنْ بعيـنْ الصفحـه تصـويـري
أكلّمْ صفحتك / عيّـتْ تـدور ونهتنـي بكـرهـ
وعـاف القلـب هالصفحـه وأيّدْنـي بتدويـري
وغلاتك / مو أنا اللـي تهـزّه غلطـة البـذرهـ
صعـب اتأثـر بغيـري وغيـري فيـه تأثيـري
وإذا راحوا جميع الناس عنّي وهانـتْ العشـرهـ
أضل الشامخ بدمعي وأقـول لضحكتـي صيـري
أنـا مثـل الـذي يمشـي بغابـه كلّهـا خطـره
أكمّل خطوة دروبـي ولا توقَـفْ خُطـا سيـري
أنا ما همني حكي الجهال / أعـوذْ مـنْ شـرهـ
ولي غيـره علـى دينـي ولا أسْمَـحْ بتكفيـري
أجي للحاقد مواجه ويجينـي مـن ورى وكـرهـ
يقول: وما صدقْ قولـه وهمّـه بـس تصغيـري
كثر ما كنت أنا أسولف عليـك وبحـة النبـرهـ
كثـر مـا رحـت ناكرنـي ولا تفكّـر بتفكيـري
أنا شمسك / وإذا إنـتَ لقيـت بغيبتـي قمـرهـ
مردّكْ لي وإنْ طالـت بـكْ الدنيـا مـع غيـري
تبشّرنـي بأفراحـك ولا لـك بالـحـزن ذرهـ
عساهـا دوم ضحكاتـك وتحراهـا تباشـيـري
بلا منّه عطيت وما أبي مـن هالعطـا نظـرهـ
أنا طبعي كـذى دايـم / كافـي شـرّي وخيـري
وخلْها قصةٍ عنـدك وإخذهـا لدنيتـك عبـرهـ
أزيدك خيـر بأفعالـي وينقـص كـفْ تقصيـري
شفتك طايح ودامي وجبرتـه ساقـك وكسـرهـ
نطرته ليـنْ مـا ورّدْ وسقيتـه مـن تعابيـري
مدامك طبتْ منْ جرحك وصارتْ صحرتك خضرهـ
أمانه لا تردّه يـوم / إذا جـا وردتـك / طيـري

ســـــاعود ..

[ريونة]

طفـــرة الأربــاح .. ( ما مــرتاح ) ..!

ما مرتاح من ربعي ..
ولامرتاح !
نادوني ..
وركضت بـ ليل
إيد " الرسن " بيها ..
وإيدٍ بها " سلاح " ..
عثرَتْ مُهرتي ..!
و ..
" ربعي " قبل ماطيح
واحد قال للثاني :
" أبشرك " طاح
أبشرك " طاااح " ..!!!
لـ كاظم إسماعيل الكاطع

http://el9ane3.jeeran.com/ABshreeck_2.jpg

وأنا مثلك مع ربعي يا [ كاظم ].. حيل مو مرتاح ..!
كأنهم بيد عطشانه .. وكأني بينهم [ واحه ] !

خذا بعض الأسى بعضي وبعضي وين منِّي راح ؟!!
وقلبي قاتله حزنه ( سَ قَ ط ) .....
مقتوله أفراحه !!

أجيهم .. نيِّتي بيضا ويجُوني في شكل أشباح !
لأجل راحتهم أتعذَّب ..
عذابي عندهم راحه !!

تصدِّق ..؟!
حيل متضايق ( خساراتي ) لهم " أرباح " ..!
ضحكت
وكانت الضحكه من الصدمات و [ السَّاحه ] ..!!

إذا ربعك مثل : ( غابه ) .....؟!
أنا ربعي مثل : [ مسباح ] ..
وأنا شخصٍ .. عجز يجْمَع ( نَثِر ) حبَّات مسباحه !

وإذا صارعت من أجل القرايب / قوَّة التمساح .....؟!
أنا حتَّى البعيد اللِّي يجيني / مااات تمساحه !!

زرعت الطيب في قلب " الحجر " وإستغرَب الفَّلاح ..
قفل حظي مع ( الفرحه ) .. ألاقي ويييين مفتاحه ؟!

تعب : لا كنت في ظلم السجون وضايع المفتاح !
معاك الحق لكن [ العدل ] .. ما فاد مصباحه !

عتب : لا صار يتبشَّر صديقك .. والألم صدَّاح
وعدوِّك كان في لحظة سقُوطك , تنزف جراحه !!

بحر ..
يا موج ..
يا شط الصداقه .. كنت لك ملاَّح
سفينه كان لك قلبي .. ولكن غدرك إجتاحه !

حرام : إن كان لي واحد وأناديه بـ إسم يا صاااح
مدامه " صاحبي " بإيده سقاني .. السِم بـ قْداحه !

سمعت إصياح من عين المراجل ...؟!
إي / سمعت / إصياح ..
و [ طير المرجله ] في هالزمن متهلهل جناحه !!

( صديقي ) صار معناها بـ عيني .. واحدٍ " سفَّاح " ..
لأنهم أغلب أصحابي .. على الطعنات ذبَّاحه ..!

وفا شنهو الوفا ....؟!
[ شَمعٍ ] كثر ما يشعلونه ساح !!
ورمحٍ يصنعه وقتي ( وربعي ) حيل رمَّاحه !!

يجي واحد مُنى قلبه .. يشتت فيني [ الأفراح ] !!
وواحد ضاق لو يلمح عيوني .. تنام " مرتاحه " !!
و
واحد قال للثاني : من المُهرهـ أبَشْرِك طاااااح
كأن بـ طيحتي يلقى السعاده .....
و طفرة أرباحه !!


\
معاناته واضحه بتكوين صداقااته يمكن الخذلان احبــطه بان وجود الصداقات الصادقه صار معدوم
هي مانعدمت لاكن شحت بصورة صارت مالها ذاك الاثر الواااااسع .. لاكن موجوده والامال المتعلقه عليها كبيره

[ريونة]

http://el9ane3.jeeran.com/Qombelat.jpg

قنبلة إحساس ..!:

قول عادي .. بالي الليله طويل ..
شُوف لِك عذرٍ قديمٍ / وأقبِلَهـ !!

لا تحاتي ...
قلبي مِتعَوِّد يشيل :
( الجُروح ) اللي تجي له مُقبِلَهـ

" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَهـ

وعادي جداً .. إنِّي الليله ( عليل ) ..
الحزن : يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
البقاء أحيان , يعني .. البهذلَهـ !!

في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَهـ

مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَهــ

وعيب راسي لا بغى شي " مستحيل "
يوصله مو طيب .. غصبٍ يوصلَهـ

ليه راجع ؟!
ليه ذاكر ..؟
يـ الأصيل ..؟؟
إنت ضايق .. ؟!
في خطأ بالمسألَهـ !!

وليه تبكي مِنْ كلامي يـ الدخيل ..؟
المشاعر .. ما لَهَا بقلبك صِلَهـ ؟!

و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!

مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَهـ

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ !!

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]


\
حيــله المنهد حيلـــه ..اجمل ماانهى فيه قصيدته الدعــاء وضح صدق المشاعر
ودام الغلا جــامح صعب يتعثر بسهوله لاكن بدون رووي .. ماعتقد يصمد

[ريونة]

http://el9ane3.jeeran.com/a_le3ba_j38.jpg

قلبي مدينهــ ..:

ما تغيَّر شي .. لكن .. صار فاضي هـ المكان
يعني إنتَ شفت قلبي طحت مِنْ عيني وعينـه

[ كان ]
لك قلبي
" مدينه "
ولاحظ إني قلت :
كان !
يعني إنتَ الحين واحد خارج حدود [ المدينه ]

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه ؟

ما ألومك كان قلبـك ثـارت أمواجـه وخـان
الخطا منَّي , لأني صرت فـي بحرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّه حنـان
لو تبوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه !

[ عزِّتي ].. ما هي جديده آنا شامخ من زمان
إغسل إيدك من رجوعي وروح , يا إبن اللذينه

طاب خاطر قلبي منِّك وهذي الفرقـى رهـان
حتَّى لو قلبي يحبـك ربِّـي بفراقـك يعينـه

تدري لما قلت أحبك قلت .. وما عندي ضمان
وإختياري كان خاطىء تجربه بالحيـل شينـه

كنت تخطي وكنت أسامح مرَّه / مرتين / وثمان
أدمح الزله عشانك .. وأكتـم أنفـاس الغبينـه

كنت أحبك / كنت أعزك , والغلا فيني جبـان
خاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

خطوتي الأولى غيابك , راح أطبّقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه

\
لا اعذار للخــيانه من اي جهه كانت الولاء يسيرنا اذا حبينا والخذلان يترصد لكل فرصه ..يحقله يقفى دام البعد بيحمي .. بقــايــاه
واللي يغلي باليوميه اقل شي ذا مردوده ^.^
:

[ريونة]

: +.. بالسلامـهــ ..+

لا تِطالع سَاعِتِكْ هالوقت .. " طامه "
مِنْ أشوفك مَـرْ في سرعه وبروق

جيت عِندكْ شايلْ عتاب وملامه
وقلب مُغرم فِيكْ عالشُوفه شفوق

كان غيري حقَّقْ بوصلِكْ مرامه
هَمْ أنا .. في شوفتِكْ عندي حقوق

الفُضَا قلبي .. وشُوقِي لِكْ ( حمامه )
ما تطُبْ الأرض , دُومْ إطِّير فوق

في غيابي أوَّل .. تقوم القيامه
تقلب الدنيا .. وتِدوِّرني بشوق

تسْرقْ إحْسَاسِي وحُبي بـ إبتسامه
وإن زعَلْ قلبي رضَاه تبُوقه بوق

نايمْ بليلِكْ .. وليلي مــا أنامه
أنتظر شمس اللِّقى تبدي الشروق

مِن غيابكْ جسْمي ما تِشيله عظامه
ياللِّي تِشْرَبْ راحِتِي .. خَلْنِي أذوق

وش تغيَّر؟
قلبي يسأل في ندامهـ !
ليه " قلبك " صار عـ الفرقا يسوق ؟

ليه غايب ؟
ليه ناسي ؟
وش علامه !!
قلبك اللِّي إشتاقْ لِي وشوقي يفُوق!!


رحتْ عَنِّــي وقلبي ما كَمَّلْ كلامه
سَاعتِكْ .. ما عِندَهَا تقدير وذوق

بـ السلامه .. وأدري ما فِيها سلامه
مِنْ يفارقْ عينكْ ( الحِلوَه ) ويروق !!


\
العطــاء الصادق وبهداوه راح ياخذ في يوم نصيبه المستحق ,, الاستعجال بالمردود يكشف النوايا اوقات

[ريونة]

القضيَّهـــ ــ ـ

مغفـره وذنـوب , والساعـه بـلا تُـوبَـه تــدورالسنـه صَـارتْ سَريعـه حِيـلْ , وأحْسِبْهَـا شهـر
عِـذتْ أنـا مِـنْ شَـرْ خَنـاسٍ يوسْـوسْ بالصـدور ومـا بكـيـت إلا لـوجـه الله فــي ليـلـة قــدر
تِختصـر مَعنـى حياتِـكْ كيـف تبنـي لِـكْ قصـور!أحْتِـرم رايـك وهـذي تُعتبَـر( وجهَـة نـظـر ) !


زيـن طيِّـب .. دام تِـدري إنَّ لِــكْ رَبٌ غـفـورليه مـا صَلِّيـتْ لَجلـه ومـا رفعـت إيـدك شكـر!؟
حَـدِّث العاقِـلْ بمَـا يُعقَـل ..وفـي قلـبٍ جَـسُـوروإنْ خطيـت بحـق غيـرك روح قـدِّم لـه عــذر
رافِقْ الشخـص المِثالـي اللَّـي لـو تخطـي / يثـوروإن سِمَعت إسْمَعْ مِنْ اللِّي تِلقى فـي صَمتـه " دُرر "
وقبل تِسأل عَنْ حياتـي وكِيـف وجهـي شَـع نـورخلْ كلامـي لِـكْ وصيَّـه وخـلْ بعـد عِنـدكْ خبـر
ما نالْ في الدنيا أحَـدْ يـا سَائلـي غيـر (الصبـور)والدليـل إنِّـي صِبـرتْ .. وكانـت أيـامـي تـمـر


لا تقـول: الحَـلْ إنِّـكْ تِلقَـى لِكْ,عـاشِـقْ غَـيـور
إنْ حَبِّتِكْ عِينه ترى .. ما حَبِّتِكْ ........ عِين الدهر !!


مِثلِـكْ أوَّلْ كـان حَالـي وضِيقتـي ونفـس الشعـوركِنـت أقـول: شمعنـى قلبـي فـي مشاريعَـه خسـر
ما دريت إنَّ الغِيابْ أحيَـان أفضَـلْ .. مِـنْ حضـورلِين شِفت " الشمس " تشرق بعد ما يغيـب ( القمـر )
وما دريـت إنَّ التواضُـع كنـز / ومَكـرُوه الغـرورلِين شِفت إنَّ الغِنى .. فـي الآخِـرَه مِثـل الفقـر !!

كِنـتْ غافِـلْ فـي حياتـي وكِنـتْ أجْهَلْهَـا الأمـورلِينْ ربِّـي لـه هدَانـي .. وصِـرتْ أدَوِّر لِـي أجـر
لا تقول: أعيـش يُومـي دامـي فـي عمـر الزهـورمنـت ضامِـنْ عُمـركْ الباقـي .. وقَطَّـافْ الزهَـر
قبـل لا تبـدي الخطِيئـه وتبْنِـي لِذنوبـك جـسـورخـافْ مِـنْ ربِّـكْ وفكِّـر فـي وعَـد يُـوم الحشـر


مَهْمَا كِنت إنسَان " راقـي " وتعشِـق أنـواع البخـور
التراب اللَّي يضمك بعـد مُوتـك ........ والقبـر !!



ياما قالوا الناس : خايف وقلـت : مـا فينـي قصـوربَـسْ شِفـتْ إنَّ الشَّجَاعَـه مَعنـى ثانـي للخـطـر
إيـه خـافْ وكُـونْ سَالِـم دام هالدنـيـا بـحـور !والبحـر مَهْمَـا وفالِـكْ طبعَـه ( غــدار ) البـحـر
وللشجر إن شفـت هامـه هـذا مِـنْ طيـب الجـذوريعنـي أعمالـك جـذورك هـذي هـي بالمختـصـر

القضيه: ما هِـي شخـصٍ خالِفَـه شِرطـي المـرور البشـر فـي الدنيـا هـذي صَـار , ياكِلْهَـا بـشـر


\
الغفله والاصرار عليها او .. الارتداد عنها بعد الهدايه ابشع الصور اجل اذا انمد هالجهل بمالنا بالنهايه دون هدايه وش راح يصير فينا !!

[ريونة]

أجيك .. أسأل .. أحبك ! .. وإنت ماتدري
أشتاق / أوله عليك / و أكتم أسراري ,

( أراقبك ) من بعييد آحسّك بـ صدري !
أسولف لـ " صورتك " عن : آخر أخباري

أشاورك باللي يطري . و إللي مايطري .
- أشتتك – أجمعك – تتشتت أفكاري !

..... ساعات أزعل عليك و ينكسر صبري
و ساعات ..... أخطي بـ [ حقك ] و أنزف أعذاري ,

بيني وبيني . . . ولادة حبي . . . العذري
عني وعنك ؟ تسولف دايم / أشعاري

ما أبيك تدري بـ غلاك و : ينكشف أمري :
حلاته إني – عشقتك . وإنت مو داري !


\
لا تنطق بها ..عشان ماتضيع بين الترديد بدون احساس وتفقد هيبتها وقيمتها
احلى عذر .. ياحامل ... العذري !!

[ريونة]

http://el9ane3.jeeran.com/photos/996137_l.jpg
حطبت الحُب ... وإنكسر لي فاس !
:

تعال الشوق دمَّرني حبيبي والصبر ذايب ..
______ حطبت الحُب من قوّة غيابك و إنكِسَر لي فاس !

تعال وقول يا ماخذ جميع أشيائي وش جايب ؟!
______ ترى ملّيييت من حبر القلم و معاند القرطاس !!

عيونك نامت بـ عيني وظنِّي للأسف / خايب !!
______ أظن ترجع وما ترجع أظن وما يجيني نعاس !

أنا ما قلت لك مخطي ولا هم قلت لك صايب
______ أبيك الحين ترجع في حياتي .. شمعة الجلاس !!

مريض وأرفض الراحه لأنك لو تجي طايب ..
______ علاجي بس لو أسمع من لسانك [ عسى لا باس ] !

أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!

قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!

أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !

حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!


\
حـــاله ملتهبه من الحب وصلت للذروة .. طبيعي بينتج عنها هالرده للفعل
اقـــل شي انه مايتسم بالعقلانيه .. وهنا تتخالط اللذه وعكسها

[ريونة]

http://www.shathaya.com/go/dir/22/aLshmaQ.jpg

الشــــماغ
:

ما على " قلب " الرسول إلا / البلاغ
و إنت لك عندي ( رساله ) و كلمتين

قلبي المرسل ؟ .. محاك من الدماغ
طحت من عيني !
و طاحت دمعتين .

ما أطوّلها عليك , بْلا صياغ -
هي قصيره بس ! تجرح حبتين

: يوم قلبي ذاب في حبك , و زاغ ..
ليه قطَّعته بـ [ إيدك ] قطعتين ؟! :



ما مسح لي دمعتي غير .. الشماغ ! .
غلطتي ؟ / طيبي , و غدرك / غلطتين

بيت صغته . . . وبيت " لا يمكن " يصاغ
شي كتبته , وشي مكانه نقطتين (..)

قلبك أستخسر عليه اليوم ساغ .... .
وعندي كلك
ما تساوي – بيزتين

آخر حروفي الصدر فيها بـ " آغ "
و إنتهى عجز الصدر فيها بـ ( تين )

إللي فيني الحين ؟ ما جا من فراغ
صدمه .. وحده .. تكفي / ما أبي صدمتين /


ما عليك من الرسول , إلا البلاغ ,
[ صعب تلدغني بجحرك : مرتين ]

\

يعني كل دقه بتعليمه ^.^
التـــــوبه من اللـــــدغ كليــــا ارحم من عرضه القلب للتجريب مره ثانيه
عــزيمته رائعه لوضع كل مايسيء له .. خلفه

[محمد الغامدي]

ريونة

الصانع شاعر جميل يسحق الإشادة
لما يتمتع به من شاعرية رآقية
أشكركِ على ذائقتكِ الحالمة
وعلى هذا المجهود الكبير الذي بذلتيه
في إغراق هذا المتصح بروائع الشاعر

تقديري لكِ

[عبدالعزيز]

:

حضورك كان في قلبي جميع الوقت يا غايب ..
أنا من وين ما أطالع , أشوفك إنت كل الناس !!

رائعه ويصعب الأختيار ....

ريونه بروعة روحك كان متصفحك غارقاً في الرومنسيه والشاعريه الرائعه ..

كما انتي مقتدره على الكتابه فانتي كذالك رائعه باختيارك ..

ساعود لأرتوي ...

.

[سعود المطيري]

الصانع من اجمل الشعراء وموضوعك كان رائع بحيث يكون مرجع لكل من يحب هذا الشاعر ريونه شكرا

[ريونة]

جســار
الصــانع ذا شاعريه لاتُحجب
لذا احببت ان نستمتع به .. سويا
تقديري لرونق تواجدك ..سعدت به

عزيــز
امتناني للذوق اللذي يكتنف تواجدك
سعدت بتشريفك ,,واستمتاعك

سعــود
حيــاك .. اطلاله جميله سعدت بها
استمتعوا فالصانع .. جدير بها

[مَـدَىْ]

ريري بعد قلبي والله

إختيار آخاذ

إحساس راقي مغلف بإبداع لا ينقله إلا اهل الذوق مثلك ...

رحله جميله مع شاعر جميل ..


اسقينا أكثر يا راقيه

[ريونة]

M A D A

ابتسامه ورونق ترتسم علي
بمجرد اطلالتلك .
روحك تعج بالمكان لاخـــر ..مـدى
لايرتقي الطرح سوى بتتويجكم .. هنا
تشرفت وسعدت .. بتعانق حروفك لمتصفحي