في عيونهم ...

[اميرة البنفسج]

أحبتي
لنا وأياكم لقاءات
في كل اسبوع مع (http://iraq-somer.com/vb/showthread.php?t=6480)شاعر (http://iraq-somer.com/vb/showthread.php?t=6480)للشعر الشعبي العراقي نستعرض ابرز كتاباته وأجملها
ونتذوق جمال روحه المنهمر في سطور
تلمّ خُطانا وتجمع افئدتنا على المحبة والرضا
انه لحن الجنوب المهاجر مع طيوره وسمائه الزرقاء
ف أهلـا حُييتم



http://im2.gulfup.com/2011-03-31/1301528169115.gif

[اميرة البنفسج]

الـا سبوع الـا ول : الشاعر مظفر النواب

لم يحضَ أيًّ شاعـرشعبي عراقي باهتمام منقطع النظير كما حضي بــه الشاعر العراقي المعروف مظفـر النــواب،والمولود في عام 1930 م في أحد نواحي بغـداد/ الكرخ \" منطقة الكاظية\" بالحــارة المسـماة\" شريعة النـواب، على ضفاف نهـر دجلة، والأسم أخذ من عائلـتهم، التي استوطنت هذا المكان منذ أيام الأترك العثمانيين وسيطرتهم على العراق، منذ القرن الثامن عشر الميلادي أو قبله بقـلـيل.
الإنتماء السياسي للشاعر مظفر الـنواب، مذ عرف التفتح الذهني في مراحل حياته الأولى، أكسبه صدقاً إبداعياً ، وأضاف إليه خبرةً حياتية، جعلته يعرف كيفية الإستفادة من المنهج الجدلي للماركسية التي كان يتبناهـا، فكراً وممارسة، لذلك أخذت القصيدة الشعبية ، عند هذا الشاعر المشـاكس، تخضع الى رؤاه وحـده، رغـم أنـّه كان متأثراً بشكل كبيربأشعار الحــاج زايـرالدويج، الشعبية ، لاسيما المـوال منها،، الاّ أنـه أخذ منها عمق الفكرة ولم يأخذ الشكل والإسلوب، وكل من قرأ لمظفـر النـواب ، لم يحضَ عنده لأي مـوال أو أبوذية أو بقية الأصناف الشعبية المتداولة في الشعر الشعبي العراقي، وربما كانت له ، الاّ أنـّه لم ينشر منها أيّ شئ، وعلى هـذا الأساس نقول بأن مظفـر النـواب \" شـاعر القصـيدة الشعبية\" بامتياز عـال، وقد أضافت الحياة السياسية إسقاطاتها على تجربتـه الشعرية بشكل ملحوظ وواضح، والمتابع لشعر النـواب يدرك أن القصيدة السياسية \" إمـتيــاز نــوّابي\" وهذا لايعني أن غيره من الشعراء الشعبيين في العراق لم يكتبوا القصيدة السياسية، بل هناك الكثير غيره قد كتبوا فيها
تعالو نتذوق شيئا منه

[اميرة البنفسج]

من اروع قصائده وقمم ما كتب

الى قصـيدة\" البـنفســج\"

يقـول الـنـــواب في هـذه القصـيدة:

يــــا طعـم ... يـا ليـلة من ليـل البنفســج
يـاحـلم ...يـمـامش بمـامـش
طـبـع كََـلـبي مـن اطـبـاعك ذهـــــب
تـرخص .. وأغـلـّيـك ...... وأحـبــــّـك

* * *

آنا متـعـوّد عليـك هــواي...يا سـولة سكـتـّي

يـا طـواريــّك ... من الظلـمــة تجــيــني
جـانـن ثـيـابي علي غـربـة كَــبل جـيـتك
ومـسـتاحـش مـن عيـيونــي
وَلـّـمتـني....
وعـلى المـامـش ..عـلـّمتـني..
آنـا حـب هـوايـه كَــبـلك ذ وّبــاني.

* * *
إشـلـون أوصـفــك .. وانـت كـهـرب.
وآنـا كَـمرة عيـني.. دمـعـة ليـل ظـلـمـة!
إشـلـون أوصـفـك ..!!
وانـت دفــتر
وآنـي جـلمـه.........!!
يـلـّي.. مـاجـاسك فكـر بالليــل ومجاسك سـهـر
يـلـّـي بين حـواجـبـك ..غـفـوة نـهـــــــــــــــــر
يـلـّي جـرّة سمــــا بعـينـك
خــاف أفـززهــا من أكَـلـّك
آنـــا احـبـّــك
آنــا احـبـّـــك

* * *
مـامـش بمـامـش....و للـمامش.........
يـمـيزان الـذهـب ....وتـغـش واحـبــّـك
وارد أكّــلـّك...
فـرنـي حـسـنـك ............ يـابنـفـسـج
وانـتَ وحـدك... دوّخـتني .. يـابنفـسج
وعـلى حـبـّك.. آنـا حـبيـّت الـذي بحـبـهم لـمتـني

يـاطعـم .... يـاليلـة من ليل البنفــسج
يـا عـذر عـذرين.. يـاشنهي واحـبـّك



للشاعر ادواته و خصوصيته واستخدامه للمفرده.." الطعم"
هذا الطعم بـل وتميـّزه عن بقية أصناف الطـعـم قبل أن يوصل إليه تكملة الجملة الشعرية، بغية إمسـاك المتلقي بقـوة، وشـدّه للقصيدة وأجـواء القصيدة وبناءات القصيدة وفضاءاتها، وهو ما أسميه \" ضجيج القصيـدة\" بمعنى هيمنتها على عقل المتلقي، وهـنا نرى النــوّاب، في هـذا المفتتح لقصيدته الشعرية، تسـلـّل هـادئاً الى أحاسيس المتلقي ، إذ أنـّـه ألحق كلمـة\" يـاطعم \" بكلمـة سحريـّة أخـّـاذة، إشتقـّـها من شكل ورائحة ولون البنفــسج، ذلك الـزهـر الجميل والسـاحر، والمتألق في الليالي القـمـراء، وكأنه – أي النـوّاب- يريد أن يملي على المتلقي خيـاله الشعري السـاحر، بهـذه المفردة،ويفرض عليه أجـواء القصيدة، وهـو يدرك بأن المتلقي الحسـّاس هـو أميل الى هـكذا أجـواء، لأن إستخدام عبارة \" يا ليلة من ليل البنفسـج\"
واتركم مع بنفسج مظفر الغافي في عيونه...!

[اميرة البنفسج]

http://iraq-somer.com/vb/images/statusicon/wol_error.gifاضغط هنا لمشاهدة الصورة بالحجم الطبيعي.http://item.slide.com/r/1/0/i/Uue-B80U7z8NQ9DGMrXRRSU_p6Wjt3F-/



الروح روحي وبطلت والويت اذنهه

شرد اكلك ياحزنهه ، بطليت

طلسم فكيت سحرك وانتهيت

ماأجذبك اّني ناسيك وبجيت

شلون ماسكت بنفسي

تلتفت للماضي تبجي

تحط على الحايط حزنهه

مدري هيه مدري حايط الايام يحجي

واّنه حاير مثل المحجر على الريح ارتجيت

لامتت انته ولا اّني احتييت

لكن الايام ماتت كلهه ماتت

يلجنت كلشي ومادريت

هو الحنين والـانغلـاق على روح تآلفت مع روح
آيه يا مظفر
يلجنت كلشي ومادريت

[علي الامين]

ياحنيني لك
يهزني لحن الخليج فأرتسم في عينيك نورس وشراع

يابحر تدري اشكد احبك والعمر من غيرك ضياع


قد يستصعب المتلقي العربي المفردة العراقيه الدارجه وذلك بسبب سلبيات الاعلام التي بخست حقها في السنوات الماضيه فأتمنى منكِ سيدتي ان تضعي هوامش للكلمات التي يصعب فهمها

شكرا لنورك:sahyl:
علي

[اميرة البنفسج]

حُييت ب اهلـا وطابت سهلـا بكَ
علي...
ان شاء الله
والله ماوجدت مفرده في المنشور اعلـاه تصعب وحين ترد ساعمل الى ايضاحها
لـاهنتْ
:0001:

[اميرة البنفسج]

http://i3.tagstat.com/image01/3/0a41/001N0010MF1.jpg




زرا زير البراري

حنَّ وأنا أحنّْ

و انحبس ونّة ونمتحن

مرخوص بس كت الدمع

شرط الدمع حد الجفن

...

جفنك جنح فراشة غض

و احجاره جفني و ما غمض

يال التمشي بيا ويا النبض

روحي على روحك تنسحن

حنّ بويه حنّ

حنّ عمي حنّ ...

..

..

عيونكَ زرازير البراري

بكل فرحها بكل نشاط

جناحها بعالي السحر

و الروح مني عوسجة بر

ما وصل ليها الندى

و لا جاسها بقطرة المطر

وصفولي عنك يالنباعي تفيض

و تعليت ليلة ويا القمر

وصفولي عنك كل مسامة تفيض منك عطر

يالحسنك نهر..

تنزل بصدري ويا النفس

و بدمي غصبن تنعجن

و أشهق و اصعدك للسما

بحسرات و بعنة حزن

حن.ّ. حنّ بوي حنّ

..

**********

شفافك ولا كولن ورد .....

عنابه معكودة عكد

تمتلي بكد ما تنمرد

لا هي دفو ولا هي برد

أنا بوصفها راح اجن

حن بوي حن

***************

سكتاتك تشكل خواطر بالقلب ...

مالي عرف بيهم كبل

مبروم برم الخياط يا ريان

و الخوصر خصر لف العقل

كل كلمة منك ...

نبعة البردين .. بالدلال ...

ما تحمل ثكل

وصفولي عنك

وردة من قداح ريش جناح

زاهي بالسحر

وصفولي عنك

شال منك غيظ بستان الورد

والنرجس الرايج سكر

حنو طواريز ولحن ...

و حنة حمامات السجن

حنة إلي ...

و حنة إلك ...

واللي يعجبه خلي يحن

حنّ بويه حن ّ

*************

آنه من أشوفك

يمتلي الماضي الجدب

زهرات بيض من الوفه

وروحي سواجي من الحنين تصير

وأتنبه وكت بيها غفه

يا محجل إن مريت بيه ردود

أرد أردود بالعشرين ....

من عمر الجفه

وأنصف عمر منك

فما أنصفت إلا بالهجر ...

والهجر منك ما كفه

حتى الهجر يا روحي

منك ما كفه

وكلبي عله هجرك دوم يحن

حنّ ...

وآنه أحنّ

وأنحبس ونّه ...

ونمتحن

مجبور أرخصك على الدمع

شرط الدمع حد الجفن


من اجمل ماغنى المطرب ياس خضر من اشعار مظفر
كلمات تنزل الى القلب فتستريح
تحكي قصص الحنين
وتنسج بيوت العتب
وتكتب ع اجنحة الشوق صخب قلب وانكساره امام محبوبه

كت الدمع : نزوله
جاس : لمس
عكد/ اى معقودة
الخوصر: الخصر
يامحجل: الذي يضع خلخال اسفل الساق
سواجي: جمع ساقيه
مبروم: مفتول

[سميراميس]

مظفر النواب شاعر و مثقف هائل جدًا ، أطروحاته الشعرية تعكس هم الأمة السياسي و تسخر بقوة
أحببته كثيرًا و آمل تسليط الضوء علىْ شعره السياسي ..

شكرًا لك أميرة

[اميرة البنفسج]

شام
شهقة الورد الحانية أنتِ
كنت قد عقدت النية على محاطبة جانب واحد في الشعراء المحتاريين اما وقد فتحت بابا لنا فلـا مانع من فتح كل الـابواب
على الرحب يا غلـا
:0001:

[اميرة البنفسج]

عودتني



(كفى رياء .. كنا ننتظر الحزن)


عودتني
انتظر..
وارسم عله الايام موعد
عودتني
العيد يعني الناس
ووياهم اعيد
كتلي .. من يعتك جرح
جرحين
يتلاكه وجعها
وعودتني
عودتني السفن..
من تصفح اكبال الريح
تتمزكـَ شرعها
كتلي:
ما تبكه سفن
والناس يعيروهه:
خشب عادي
وايغركها دمعها
ردت اكلك!
والتهينة
وفاركتني
ردت اكلك
عودتني
عودتني
اترك ابيتك بطاقة عيد وموعد
واكتب ابابك اذا مسافر
جلمتين
ولكيتك سافرت من غير رجعة
وعودتني

لعل من الخصائص المميزة للحركة الشعرية العراقية المعاصرة هو غزارة الانتج الشعري المكتوب بالدارجة والذي اصبح من الظواهر الراسخة والمقبولة ثقافياً . ومن بين اسباب نجاح القصيدة الشعبية وجماهيريتها هو استخدامها لمتطلبات التعبير والبناء المكتوبين بالفصحى ، وهي بذلك تحقق نوع من التفاعل التكنيكي والجمالي مابين مفردات وصور البيئة الشعبية وما بين اساليب كتابة الشعر الحديث ، حيث يبقى الهدف من ذلك هو اعطاء القصيدة بعدها الحقيقي واغناء قوامها بالايقاعات الضرورية
ساتناول معكم في الصفحات القادمة
شيئا من الجانب السياسي في شعر مظفر باذنه تعالى

[سميراميس]

أنتِ ضوء يضيء العتمات يا أميرة ، هيّا اشعلي البنفسج نورًا لنتوشّح بالشعر العراقي الشعبي ..
معك منتشون
اغرسيها في تربة بابل و نينوى ، و بقايا العظمة الشاميرامية (: :flow:

[اميرة البنفسج]

يا فدووووة الروح \\\\ شام
يكفيني قربكِ وطيبه قلبكِ يا راقيه الروح
سلمت روحك وكلك
ودمتي دوماً قريبه من القلب
:0001:

[اميرة البنفسج]

عريان السيد خلف شاعر شعبي عراقي ولد في محافظة ذي قار في اربعينات القرن العشرين في قلعة سكر (http://ar.wikipedia.org/wiki/%D9%82%D9%84%D8%B9%D8%A9_%D8%B3%D9%83%D8%B1) على ضفاف نهر الغراف (http://ar.wikipedia.org/wiki/%D9%86%D9%87%D8%B1_%D8%A7%D9%84%D8%BA%D8%B1%D8%A7% D9%81) بدأ نشر قصائده مطلع الستينات من القرن العشرين عمل في الصحافة العراقية وفي التلفزيون وفي الأذاعة وحصل على جوائز وشهادات منها حاصل على وسام اليرموك من جامعة اليرموك (http://ar.wikipedia.org/wiki/%D8%AC%D8%A7%D9%85%D8%B9%D8%A9_%D8%A7%D9%84%D9%8A% D8%B1%D9%85%D9%88%D9%83) من الأردن شهادة دبلوم صحافة عضو نقابة الصحفيين العراقيين (http://ar.wikipedia.org/w/index.php?title=%D9%86%D9%82%D8%A7%D8%A8%D8%A9_%D8 %A7%D9%84%D8%B5%D8%AD%D9%81%D9%8A%D9%8A%D9%86_%D8% A7%D9%84%D8%B9%D8%B1%D8%A7%D9%82%D9%8A%D9%8A%D9%86&action=edit&redlink=1) واتحاد الصحفيين العرب (http://ar.wikipedia.org/wiki/%D8%A7%D8%AA%D8%AD%D8%A7%D8%AF_%D8%A7%D9%84%D8%B5% D8%AD%D9%81%D9%8A%D9%8A%D9%86_%D8%A7%D9%84%D8%B9%D 8%B1%D8%A8) ومنظمة الصحافة العالمية عضو في جمعية الشعراء الشعبين العراقين (http://ar.wikipedia.org/w/index.php?title=%D8%AC%D9%85%D8%B9%D9%8A%D8%A9_%D8 %A7%D9%84%D8%B4%D8%B9%D8%B1%D8%A7%D8%A1_%D8%A7%D9% 84%D8%B4%D8%B9%D8%A8%D9%8A%D9%86_%D8%A7%D9%84%D8%B 9%D8%B1%D8%A7%D9%82%D9%8A%D9%86&action=edit&redlink=1) له مواقف سياسية معارضة من نظام البعث رغم الضغوطات التي افرضت عليه لكنه استطاع ان يبقى في العراق في زاوية مظلمة تجنبا للمواجهة السياسية يمتلك شعبية كبيرة داخل العراق وخارجه استطاع ان يتواصل مع حركة الأدب الشعبي عن طريق طبع الدواوين أو إعادة نسخ ماطبع نشر عدة قصائد ذات مغزى سياسي كتب للعديد من الفنانين العراقيين ومنهم فؤاد سالم (http://ar.wikipedia.org/wiki/%D9%81%D8%A4%D8%A7%D8%AF_%D8%B3%D8%A7%D9%84%D9%85) وقحطان العطار (http://ar.wikipedia.org/wiki/%D9%82%D8%AD%D8%B7%D8%A7%D9%86_%D8%A7%D9%84%D8%B9% D8%B7%D8%A7%D8%B1) وسعدون جابر (http://ar.wikipedia.org/wiki/%D8%B3%D8%B9%D8%AF%D9%88%D9%86_%D8%AC%D8%A7%D8%A8% D8%B1) ورياض أحمد (http://ar.wikipedia.org/wiki/%D8%B1%D9%8A%D8%A7%D8%B6_%D8%A3%D8%AD%D9%85%D8%AF) وامل خضير (http://ar.wikipedia.org/wiki/%D8%A7%D9%85%D9%84_%D8%AE%D8%B6%D9%8A%D8%B1) وعبد فلك (http://ar.wikipedia.org/w/index.php?title=%D8%B9%D8%A8%D8%AF_%D9%81%D9%84%D9 %83&action=edit&redlink=1)

عريان السيد خلف اليوم من الرموز الثقافية الوطنية التي يعتبرها الكثير من العراقيين رمزاً للوطنية والمبدئية العالية وهو اليوم يمثل أحد اقطاب الشعر الشعبي الثلاث في العراق بالإضافة إلى مظفر النواب (http://ar.wikipedia.org/wiki/%D9%85%D8%B8%D9%81%D8%B1_%D8%A7%D9%84%D9%86%D9%88% D8%A7%D8%A8) وكاظم إسماعيل الكاطع (http://ar.wikipedia.org/w/index.php?title=%D9%83%D8%A7%D8%B8%D9%85_%D8%A5%D8 %B3%D9%85%D8%A7%D8%B9%D9%8A%D9%84_%D8%A7%D9%84%D9% 83%D8%A7%D8%B7%D8%B9&action=edit&redlink=1). ويعد الشاعر عريان من اهم رموز الشعر الشعبي العراقي الحديث اصدر أكثر من ستة مجاميع شعرية منها
الكمر والديرة.
كبل ليله.
أوراق ومواسم.
شفاعات الوجد
.بالإشتراك مع الشاعرين مظفر النواب وكاظم إسماعيل الكاطع صياد الهموم.
تل الورد. وكتب الشعر بنوعيه الشعبي والفصحى.

[اميرة البنفسج]

http://www.dubaieyes.net/gallery/data/media/211/kar%20(68).jpg







أعز من روحي أحـِسـٌكْ
وانته اعز منـٌي
ياحسبة عمر ..خاويتها إمن إصبــاي
بـِطلـَتْ صـَفنتي .. وما بَطـٌلـٌتْ مني
أحــِس كًًُــَلبي الفـِضـِي..متعوب حد الويل
وأدعيـله الصَبُر.. عن لا يفشلني
جَسٌيت الليالي ابمرود الحلوات
وسنين العمر بالشيب جسنـٌــيٌ
اضحك للبجوا.. حد شرهة المنكـَود
وابجي ابكل مزنتي.. الطور المغني
لاغرني المدح... بشفاف المحبين
ولاهـمني الشماته اشما حجوا عني
يلتمٌن علــٌيه... امشتتات البال
وانفضهن نفض
وانهض ولا جنــٌي
وليت.. وعف ضميري .. وماكسرت العود
ولـِسـِن.. شبه الزلم .. بالعلن سبــٌني
كـفاني امرح.. ورع.. والتذ بحب الناس
وعملات الكـَبح .. ما يوم خاوني
لا ِزحتْ الحيا... ولاضيٌعت معروف
ولاخنت الوفه.. وربعي اجفلوا مني
أضحك بالوجوه.. ابغير راحة بال
واصبر لو .. ليالي العسر ضكني
واكابر عالشدايد ... حد مصب العين
واسكت.. لو دثو من الناس لاسـٌــني
واسامح .. ما أبحــٌـر.. وين حد الغيض
وأزلف ..لو حوافي الزعل وازني
وينشدني صديجي ..المانشد عني
كـَـبل طبعك الونــٌـه ..وصاير اتغني؟
كـَبل عينك محطه .. وخاطرك مكسور
هسه اعله الثجاله.. اتفوت متحني؟
واجيبه ابكل برود .. وعودِتي ابسـنـُي
استراحت مستحاتي .. وعاكستني الريح
لاني من الهموم . ولاالهم مني
أنا ابن العاصيات .. من الليالي السود
لاريد الكـَـماري .. ولهن يردنـّي
ارضعتني امي ابدمعها .. من عرفت الصوت
وغطـّــتني بحزنها ... من مشت عني
خذت روحي اعله ضيمي ..وماشكيت الحال
او يمنــّـوني: اشتبي؟
وما كــَـلت: متمني
علـّمت البعض .. نكـَــل الجدم عالكـَــاع
وأول ما مشن.. بالزلكَ لبــّــني
اكــَول : اتغـّيرَت... والناس ماهي الناس
رضـّـاعة قواطي.. وخـّيبوا ظني




لــكُل لحَظة .. واقَعة ..



كَلمات تُعبر عمايجول في فَكرُنا .. مَشاعِرنا .. هُمومَنا


والكَثير من الأسرار التي تَجبرُنا ظُروفَنا عَلىٌ عَدم البَوحٍ بِهَا



هُنا .. سَيكْونَ للــ ـحَظاتِي نَبض .. ولــ كَل نَبضْ .. حكَاية ..



سَأعبِر عْن اللحَظة بِكُل مَاتَحمِلهٌ مِن فَرح .. حُزن .. إنكِسَار وهُمْوم .. إبتِسامَات وتَفاؤل ..



هُنا .. ستَكُون الذكِرىٌ .. نبَض .. يحَمل فيِ داخَله مًــصاعِب أو أقَدار .. سعادة أو طًمُوح ..



لٍـــٍـ تَرسُم مَلامِحِ ها



بِلاتَكلف ..
أكَتُبهَا نَزفْ .. أوٍ عَزَفْ ..
طلع نخيل يا عريان
كلمات في حس جنوبي
بارعة في تصوير آه
وجرح رطب ب هم

[اميرة البنفسج]

http://img835.imageshack.us/img835/2428/89250838.png (http://img835.imageshack.us/i/89250838.png/)




ما أفيدك


يالعز دمعك شلك بدموع عيني


أتريد أزيدك


لا توصي الناس وتكلف الكلب تعبان


كفاره بريدك


لا تذوب شمعه العشرين والعشرين


جلزنجيل بيديك


لاتحط نفسك شكص نوجات وانته احجايه


العاذل تصيدك


لا تحط كلبك على الصوبين كل وصله ابكتر


وتكول اريدك


يا شلت كلبي ولضمت الخيط بجروحه


على جيدك


يا لتظن حسنك ملك على الناس


والوادم عبيدك


ماأ فيدك


انه راضي ابحالتي وحالك


عله يصعب مناله


مغتر وطبعك عوج متصلب


ويتعب عداله


انته دمعك بالمثاقيل انشره ودمعي


اليهل محد بجاله


انت عنبر وانه صم ادنان وانباع برخص


محد ابضي ابحاله


يالسكن وسط الكلب ويروك


متغاوي ابدلاله


انته فاله ركش ابكلبي وجنت نابين


وكعدها الدهر للجنه اجماله


واصبرت راضي ابعذاب الروح والسكته


اصبحت وياى حاله


يللي جامع بين طبع الذيب


واوصاف الغزاله


حلو وعادات الحلو من كثر ما يغتر


يحط لوله بجماله


ماله وكتي وياي ورطني بعشك


جذاب ماله


شفج بس ابدفكه الدمعات


خلاني على باله


جلغريج الجرته الخوره لغميج الماي


وتعذر نتاله


يللي جنت اوياه متساوي السهم والوكت


حطني اوراح شاله


تنزرت روحي وصفت تعرض عن اسمك


ما تريدك


يالعلي اشفافك تحط بسمه ونصل


سجين بيدك


يا لحسرتي اتونسك ومجاذب


الحسرات عيدك


ما افيدك

لوعة تنزف كلمات
تتسرب الى ورق ابيض ف ينكسر المد ل بحر يموج ب دمع صامت وحرقة نبض
عريان وسواليف الحب المضنية وليل العتب الحارق
ولـا اجمل من
" ما افيدك"

[أ..مَ..لْ..!!]

هذه الألحان كأصوات الموج تأسر و تجعل منا شواطئ تشتاق لمدها
المزيد المزيد بربك :) :0001:

[اميرة البنفسج]

http://www.banaat.cc/uploads/images/banaat-3d5fe6ed68.jpg





ردّي .. ردّي



بغداد - 16/8/1967




ردّي .. ردّي
ياضعن شت عن هلة ، اوحدّاي
غربة .. البيه يحدي
ردّي .. ينباع العشك .. والياكَلب
تهوين صدّي
لا تهيجين الجروح .. اجروحي من تنلجم
... تدّي
وانة من دم اولحم .. مو من صخر
جبدة العندي
ردّي .. مليت الصبر .. وامكَاطر
الدمعة .. اعلّة خدي
وانة .. خلاني الوكت .. ناعور
بس اترس .. وابدي
جورت ليل الصبر . واعجزت منه ..
واهذا حدّي
بلجي من يغفة الجفن .. ما جلمة
التنكَال ، بعدي
انة موش اول زند .. يشتل
شلب .. ويحصد بردي
اولانة بس اتغربت والمعتنيلة ..
ايصير ضدي
ردي .. ردي
مالي حيل امعاتبج .. وانه العليج
اديت جهدي
غلّست .. عن الكَلت والكَال ..
كَمت اسمع .. واعدي ..
او صابرت صبر الطفل .. شربي الطفل
والحزن مهدي
واحملت ليل العطش .. وانه العيون
السود .. وردي
اوساهرت .. طول البعد لمّن
عشكَت اليال .. سهدي
والله جا مل او جزع .. لو قصتي ..
اعلة ايوب تسدي
ردي ..وانة .. موطبعي العتب
عالما حلاله .. ايصون عهدي
يا رخص ذاك الجدم . كون اعله ياهو
الجان .. يبدي
او يامناحه ذلتي .. اوليل الكَضيتة
ادموع وحدي
وانه .. من دم .. اولحم .. مومن
صخر جبدة العندي
انه خلاني الوكت
ناعور
بس .. اترس وابدي

لعل بعض مفرداتها تتوغل في عراقيتها الصميمية
ف عريان شاعر جنوبي لضم شعره ب غربة الـارض وقلب مفعم ب حزن عاشق تمايلت عاطفته شجنا يبرح اطراف الوجد وجعا
مناغياقلب الحبيبة ب لوعة
وعتب


للتنويه وضوحا أعم

الضعن \ القافلة
شت\ ابتعد
تنلجم\ تنجرح
جبدة\قلب
امكاطر\تتقاطر
شلب\ رز
الجدم\ القدم

[اميرة البنفسج]

أهلا بعطركِ الفواح
امول
ومن ذات الروح يا جميله
أغرسيها بين راحة يديكِ
مع حبي

http://up.m5h5.com//uploads/images/domain-4b747232d5.gif (http://up.m5h5.com//uploads/images/domain-4b747232d5.gif)