سعود المطيري
04-29-2008, 06:20 PM
البحث عن وظيفه :
اليوم حديثنا هو البحث عن وظيفه لشخص ما؟
والشخص انا :D
باحاول اكتب بطريقه منظمه هذه المرة
والبداية من ذاك اليوم الله لا يعيده !
يوم تخرجت من الجامعه
يوم كان فرحة حتى سألني الوالد هاه ياوليدي وين تبينا نشوف لك وظيفه ؟؟
يعني الوظايف مثل المطر !! :D
قمت اتغلى وبمنتهى الأنزحه ( كلمه مصريه يعني الغرور ) قلت ماعني ووزارة الخارجيه ؟ يأخي أنا السفارة في دمي ؟؟
قال الوالد ورا ما تنطم وتدور شئ على قدك .
شف غيرها وابشر باللي يفزع لك والا واحد خريج محاسبه وش عنده والخارجيه .
قلت يابو محيميد ( الميانة طايحه مع الوالد ) ماعني وعن الخارجيه .
قال ياسسسسعود ( ومط السين شوي قلت اكيد بيغني ) لكن توقعاتي بأت بالفشل وكمل جملته : ياسعود انقلع وانا ابوك ترى شارب لي لتر لبنه وابي اقيل شوي .
:eek: انا هنا حسيت بطعنه في كرامتي انا انقلع ماشي ياعم ردتتها مراراً وتكراراً ماشي ياعم ...
وقررت أن ما حك ظهيريك الا ظفيريك :p ونمت ذاك اليوم ولأول مره في التاريخ من الساعه التاسعه مساءً
اول مره وصحيت من الفجر ودقيت الشخصيه وتزقرت ( التزقرته بالدارجه يعني لبس كل ملابسه الأنيقه - امحق انيقه هي ثوب وشماغ وعقال منتف من الحكحكه بالجدران - مستعداً لحك ظهيري أقصد البحث عن وظيفه في وزارة الخارجيه ) لا اخفيكم سر والله حبي للعمل بوزارة الخارجيه لسبب واحد وهو الدجه بالخارج ودي اروح دولة واصير مثل رأفت الهجمال :D زقاير وفلة .
ما باطول عليكم وصلت الوزارة ومن عند الباب :( اول واحد سألته عن الوظايف بالوزارة ..........
ما مر الا خمس دقايق ولقيت ملفي على الرصيف :confused: ليه طيب
كان الجواب : تخصصك ماهو مطلوب رديت على موظف الاستقبال قلت له لا يكون عندك دكتوره في علوم السياسة ياللخو ؟
بعد ان رمى ملفي واستدعى ثنين من الزقرتيه النشامى ومن عضودي زتوني هيلا بيله للخارج والا كان علمته شلون يكون الحوار !!
كما توقعتم اخواني واخواتي اول تجربه لي في البحث عن وظيفه فشلت والدليل اني استلقيت لفتره على الرصيف مستمتعاً بالجو الربيعي للرياض .
قررت ان لا اتوقف وبحثت عن البديل واول ما فكرت فيه العسكريه يكون باصير ضابط يعني ياخارجيه ياداخليه مافيه فكه ما احب النص .
قابلني وانا راجع البيت الوالد وبنغمه فيها الكثثثثثير من السخريه :mad: : هاه يالسفير بشر ؟؟
وبدت أبتسامته من الاذن للأذن ..!!!!
طبعاً لم ينتظر جوابا واعطاني مقفاه وهو يكتم ضحكه بدت تنتشر بسرعه في ارجاء المدخل ؟؟؟
طبعاً واضح على ثوبي شلون صار وصخ من الارصفه وملفي الشبه ممزق
الحقيقه اني الزقرته تحولت الى عربجه حيث انتهى المطاف بالشماغ اوله على كتفي واخره اجره بالأرض والعقال ...؟؟؟ والله ما ادري وين راح .
واضح ان محاكيكم يجر اذيال الهزيمة .
وابتدى المشوار ( كاني اسمع اغنية عبدالحليم خلفية موسيقيه ) دخلت البيت واذا الجميع متحلق حول السفره وينظرون الكبسه كانهم وحوش ؟؟
أخذت اردد يامجرمين تأكلون ولا تراعون نفسيتي هذي اول هزيمة في حياتي
نظري لي الرجل الحكيم ( الوالد ) وقال :
انطم يا دلخ ورح غسل وتعال تغد معنا :cool:
لم انبس ببنت شفة ( << هذه الجملة والله بأموت واستخدمها دايم اقراها في الروايات المصريه للجيب ) >> ;) مثقف ..
وبعد ان تغدينا ولعبت اللبنه برؤسنا بدت الأفكار الجهنميه في ماهي افضل السبل لحصولي على وظيفه موازيه لمرتبة سفير ..
عرضت على مجلس ادارة البيت فكرة الألتحاق بالعسكريه !!
لأول مره يتفقون على أن هناك أمر يستدعي الضحك لدرجه انهم تسدحوا
طبعا نظرت لهم وانا في قمة الأرتباك وش فيه ... وش فيه أخذت اردد .
قال احدهم (ما ودي اقولكم من هو ) مافيه غيره سلمان اخوي اللي اصغر مني قال لي ياخوان :
انت ماعمرك ناظرت روحك بالمرايه ؟؟
والحقيقه انصدمت وتوقعت اني شين يمكن او حتى احول
لكن الحقيقه المره اني لا شين ولا احول كل ماهناك وزني لا يتجاوز الاربعين كيلو ؟؟
اقرب ما اكون لخريجي المجاعه الافريقيه الله لا يبلانا .
المهم ما اعجبني كلامهم وقررت الألتحاق بأحد الكلية العسكريه ولأختصار عليكم شهرين في كلمتين ماخليت كليه الا قدمت فيه حتى دورة صبابين الشاهي برتبة عريف قدمت فيها :(
والنتيجه :eek
لم يتم قبولي ولا بهالكليات لا ضابط ولا عريف ولا عسكري :(
اعرف اني طولت عليكم بقصتي مع الوظايف واذا اعجبتكم باكمل لكم بحثي عن وظيفه في القطاع الخاص لكن باختصر عليكم ترى ما توظفت صار لي سنة ونص :D
استودعتكم الله
اليوم حديثنا هو البحث عن وظيفه لشخص ما؟
والشخص انا :D
باحاول اكتب بطريقه منظمه هذه المرة
والبداية من ذاك اليوم الله لا يعيده !
يوم تخرجت من الجامعه
يوم كان فرحة حتى سألني الوالد هاه ياوليدي وين تبينا نشوف لك وظيفه ؟؟
يعني الوظايف مثل المطر !! :D
قمت اتغلى وبمنتهى الأنزحه ( كلمه مصريه يعني الغرور ) قلت ماعني ووزارة الخارجيه ؟ يأخي أنا السفارة في دمي ؟؟
قال الوالد ورا ما تنطم وتدور شئ على قدك .
شف غيرها وابشر باللي يفزع لك والا واحد خريج محاسبه وش عنده والخارجيه .
قلت يابو محيميد ( الميانة طايحه مع الوالد ) ماعني وعن الخارجيه .
قال ياسسسسعود ( ومط السين شوي قلت اكيد بيغني ) لكن توقعاتي بأت بالفشل وكمل جملته : ياسعود انقلع وانا ابوك ترى شارب لي لتر لبنه وابي اقيل شوي .
:eek: انا هنا حسيت بطعنه في كرامتي انا انقلع ماشي ياعم ردتتها مراراً وتكراراً ماشي ياعم ...
وقررت أن ما حك ظهيريك الا ظفيريك :p ونمت ذاك اليوم ولأول مره في التاريخ من الساعه التاسعه مساءً
اول مره وصحيت من الفجر ودقيت الشخصيه وتزقرت ( التزقرته بالدارجه يعني لبس كل ملابسه الأنيقه - امحق انيقه هي ثوب وشماغ وعقال منتف من الحكحكه بالجدران - مستعداً لحك ظهيري أقصد البحث عن وظيفه في وزارة الخارجيه ) لا اخفيكم سر والله حبي للعمل بوزارة الخارجيه لسبب واحد وهو الدجه بالخارج ودي اروح دولة واصير مثل رأفت الهجمال :D زقاير وفلة .
ما باطول عليكم وصلت الوزارة ومن عند الباب :( اول واحد سألته عن الوظايف بالوزارة ..........
ما مر الا خمس دقايق ولقيت ملفي على الرصيف :confused: ليه طيب
كان الجواب : تخصصك ماهو مطلوب رديت على موظف الاستقبال قلت له لا يكون عندك دكتوره في علوم السياسة ياللخو ؟
بعد ان رمى ملفي واستدعى ثنين من الزقرتيه النشامى ومن عضودي زتوني هيلا بيله للخارج والا كان علمته شلون يكون الحوار !!
كما توقعتم اخواني واخواتي اول تجربه لي في البحث عن وظيفه فشلت والدليل اني استلقيت لفتره على الرصيف مستمتعاً بالجو الربيعي للرياض .
قررت ان لا اتوقف وبحثت عن البديل واول ما فكرت فيه العسكريه يكون باصير ضابط يعني ياخارجيه ياداخليه مافيه فكه ما احب النص .
قابلني وانا راجع البيت الوالد وبنغمه فيها الكثثثثثير من السخريه :mad: : هاه يالسفير بشر ؟؟
وبدت أبتسامته من الاذن للأذن ..!!!!
طبعاً لم ينتظر جوابا واعطاني مقفاه وهو يكتم ضحكه بدت تنتشر بسرعه في ارجاء المدخل ؟؟؟
طبعاً واضح على ثوبي شلون صار وصخ من الارصفه وملفي الشبه ممزق
الحقيقه اني الزقرته تحولت الى عربجه حيث انتهى المطاف بالشماغ اوله على كتفي واخره اجره بالأرض والعقال ...؟؟؟ والله ما ادري وين راح .
واضح ان محاكيكم يجر اذيال الهزيمة .
وابتدى المشوار ( كاني اسمع اغنية عبدالحليم خلفية موسيقيه ) دخلت البيت واذا الجميع متحلق حول السفره وينظرون الكبسه كانهم وحوش ؟؟
أخذت اردد يامجرمين تأكلون ولا تراعون نفسيتي هذي اول هزيمة في حياتي
نظري لي الرجل الحكيم ( الوالد ) وقال :
انطم يا دلخ ورح غسل وتعال تغد معنا :cool:
لم انبس ببنت شفة ( << هذه الجملة والله بأموت واستخدمها دايم اقراها في الروايات المصريه للجيب ) >> ;) مثقف ..
وبعد ان تغدينا ولعبت اللبنه برؤسنا بدت الأفكار الجهنميه في ماهي افضل السبل لحصولي على وظيفه موازيه لمرتبة سفير ..
عرضت على مجلس ادارة البيت فكرة الألتحاق بالعسكريه !!
لأول مره يتفقون على أن هناك أمر يستدعي الضحك لدرجه انهم تسدحوا
طبعا نظرت لهم وانا في قمة الأرتباك وش فيه ... وش فيه أخذت اردد .
قال احدهم (ما ودي اقولكم من هو ) مافيه غيره سلمان اخوي اللي اصغر مني قال لي ياخوان :
انت ماعمرك ناظرت روحك بالمرايه ؟؟
والحقيقه انصدمت وتوقعت اني شين يمكن او حتى احول
لكن الحقيقه المره اني لا شين ولا احول كل ماهناك وزني لا يتجاوز الاربعين كيلو ؟؟
اقرب ما اكون لخريجي المجاعه الافريقيه الله لا يبلانا .
المهم ما اعجبني كلامهم وقررت الألتحاق بأحد الكلية العسكريه ولأختصار عليكم شهرين في كلمتين ماخليت كليه الا قدمت فيه حتى دورة صبابين الشاهي برتبة عريف قدمت فيها :(
والنتيجه :eek
لم يتم قبولي ولا بهالكليات لا ضابط ولا عريف ولا عسكري :(
اعرف اني طولت عليكم بقصتي مع الوظايف واذا اعجبتكم باكمل لكم بحثي عن وظيفه في القطاع الخاص لكن باختصر عليكم ترى ما توظفت صار لي سنة ونص :D
استودعتكم الله